Kultur proiektuentzako bidelaguntza eta prestakuntza programa

Izen-emate epea irekita iralaren 3tik 27ra

KUTUR EKIN PROGRAMAN
PARTE HARTZEKO 7 ARRAZOI

01

Sektoreko bidelagunak

Kultur ekosistema barrutik ezagutzen duten mentoreen gida pertsonalizatua.

02

Tresna egokituak

Kudeaketa eta ekintzailetza erramintak kultur arlora % 100ean moldatuta.

03

Gonbidatu erreferenteak

Sektorean ibilbide sendoa duten pertsonen testigantzak eta ikaskuntzak.

04

Espazio segurua

Bakardade profesionalari aurre egiteko epairik gabeko komunitatea eta sarea eraikitzea.

05

Lidergo eko-feminista

Zaintza, pertsonak eta lan-baldintzen jasangarritasuna kudeaketaren erdigunean jartzea.

06

Bideragarritasuna

Dimentsio ekonomikoa, giza-alorra eta ingurumena uztartzen dituen proiektu sendo eta iraunkorra garatzeko gakoak.

07

Ikusgarritasuna

Zure proiektua kultur eragile zein babesleen aurrean aurkezteko eta sare berriak josteko aukera.

Zer da Kultur Ekin?

Kultur EKIN hasierako fasean dauden kultur proiektuei zuzendutako bidelaguntza eta inkubazio programa profesionala da. 2025eko pilotuaren arrakastaren ostean, 2026ko edizioa martxan da!

Hasteko prest?

Gure helburua sormen ideietatik proiektu bideragarri, autonomo eta jasangarrietarako trantsizioan laguntzea da. Euskal kultur ekosisteman dagoen egiturazko prekarietateari eta bakardadeari aurre egin nahi diogu, sormen-lana kudeaketa estrategikoarekin, zaintzarekin eta eko-feminismoarekin uztartuz.

Programa %100ean euskaraz burutuko da.

Saioak

Presentzialak

Taldekako 10 saio.
Asteazkenak, 15:30-18:30. Bilbon eta Donostian.

*Aldaketak egon daitezke kokapen eta ordutegian, hautatutako proiektuen arabera.

Online

Taldekako 3 saio.
Astelehenak, 15:30-18:30

Mentoretzak

Astean 30 minutu.
Proiektu bakoitzarekin adostuta.

EZAGUTU BIDEA

Programaren faseak

01 DIAGNOSTIKOA
Urriak 6-13

Banakako online saioak abiapuntua
ezagutzeko eta helburu pertsonalizatuak zehazteko.

02 OINARRIAK
Urriak 14 - Azaroak 2

Misioa, bisioa, balio-proposamena,
interes-taldeak eta merkatu-balidazioa.

03 NEGOZIO EREDUA ETA ANTOLAKETA
Azaroak 4-30

Business Model Canvas Kulturala, bideragarritasun ekonomikoa, ekintza-
plana, gobernantza eta inpaktuaren neurketa.

04 KOMUNIKAZIOA ETA ITXIERA
Abenduak 2-21

Narratiba profesionala eraikitzea, Pitch Publikoa eragileen aurrean eta amaierako ebaluazio-saioa.

“Nik Kultur EKINek eman digun bultzada kualitatiboa azpimarratuko nuke. Askotan proiektu kulturaletan kudeaketan galtzen gara, eta programa honek fokua berriro mamiari jartzen lagundu digu, hau da, egiten duguna zergatik egiten dugun gogoratzen. Tresna praktikoak jaso ditugu, bai, baina niretzat balio handiena elkarrizketetan egon da; konfiantzazko gune bat sortu da, eta horrek proiektuarekin aurrera jarraitzeko indarra ematen dizu.”

Irene Balzategi

Kultur EKIN programa pilotuko parte-hartzailea

EMAN IZENA DOAKO PROGRAMAN!

Izen ematea

Bada garaia zure kultur proiektuari bultzada emateko!
Prozesu honetarako 10 kultur proiektu soilik hautatuko dira, ez galdu zure aukera.

Epe garrantzitsuak

📅 Izen-emate epea: Irailaren 3tik irailaren 27ra arte
📢 Aukeratutakoen jakinarazpena: Urriaren 5ean

Beharrezko dokumentazioa

📄 Kultur proiektuaren informazioa: Izena, deskribapen laburra eta proiektuaren inguruko dossierra.
👥 Parte-hartzaileen datuak: Ibilbide laburra eta CVak.
💡 Bidelaguntza-eskaeraren arrazoia: Azaldu laburki zergatik parte hartu nahi duzun eta zer behar dituzun.

Informazio eta data guztiak nahi dituzu?

Eskuratu informazio guztia beheko botoian sakatuta.

OHIKO GALDERAK

Galderarik baduzu?

Proiektua guztiz definituta izan behar dut izena emateko?

Ez. Proiektua hasierako fase batean egon daiteke eta oraindik hainbat alderdi definitzeke izan. Programaren helburuetako bat, hain zuzen ere, proiektua argitzen eta egituratzen laguntzea da.

Kolaboratzaile edo lan-taldea itxita izan behar dut?

Ez. Taldea osatuta izan dezakezu edo oraindik norekin lan egin nahi duzun aztertzen egon. Sarea eta aliantzak lantzea programaren ardatzetako bat da.

Zer landuko dugu programan?

Lau ardatz nagusiren inguruan egingo dugu lan: finantzak, proiektuen kudeaketa, ongizatea eta zaintza, eta sarea.

Zer gertatuko da lehen astean?

Diagnostiko fasea egingo dugu. Parte-hartzaile bakoitzaren ibilbidea, proiektua, beharrak, erronkak eta helburuak ezagutuko ditugu, prozesua horietara egokitzeko.

Ekonomia eta finantzak landuko dira?

Bai. Proiektuaren iraunkortasuna, aurrekontuak eta finantzak lantzeaz gain, galdera oso praktikoak ere jorratuko dira: zenbat kobratu nahi dut?, zenbat balio du nire lanak?, nola egin dezaket nire proiektua ekonomikoki jasangarri?

Ongizatea benetan programaren parte da?

Bai. KULTUR-EKINen ez dugu soilik galdetzen zer egin nahi duzun edo nora iritsi nahi duzun, baita nola egin nahi duzun ere. Erritmoak, zaintza, lan egiteko moduak eta proiektuaren jasangarritasun pertsonala prozesuaren parte izango dira.

Non egingo dira saioak?

Kokapen batzuk oraindik zehazten ari dira. Parte-hartzaileen errealitatea, lurraldea eta irisgarritasuna kontuan hartuko dira. Eibar eta Azpeitia bezalako aukerak planteatu dira.

Mentoretzak presentzialak izango dira?

Malgutasuna egongo da: online egin ahal izango dira edo parte-hartzailearekin egokia den kokapen bat adostu.